L-abbozz ta' pjan Laburista ghaz-zghazagh huwa importanti hafna ghall-pajjiz - Pulse

L-ghaqda studenteska Pulse tilqa b'sodisfazzjon diversi proposti li l-Partit Laburista qed jaghmel fl-abbozz ta' pjan tieghu dwar iz-zghazagh, fost l-ohrajn proposta dwar centru nazzjonali taz-zghazagh u dwar karta taz-zghazagh. F'laqgha mal-Partit Laburista dwar dan l-abbozz ta' pjan dwar iz-zghazagh, il-Pulse iddeskrivit dan l-abbozz bhala wiehed importanti hafna ghall-pajjiz. Ghall-Pulse d-diversi proposti li l-Partit Laburista qed jaghmel jistghu jwasslu biex iz-zghazagh ikunu incentivati u mghejjuna bil-fatti.

Il-Mexxej Laburista Dr Alfred Sant qal li l-Partit Laburista qieghed jaghti importanza qawwija liz-zghazagh fit-tfassil tal-politika tieghu u jrid li fil-pajjiz jinholqu opportunitajiet godda li minnhom igawdu z-zghazagh kollha. Qal li l-Partit Laburista qieghed jiltaqa ma' l-ghaqdiet u l-assocjazzjonijiet li jahdmu maz-zghazagh biex jisma l-veduti taghhom fuq dak li qieghed jipproponi u fuq dak li ghaddej fil-pajjiz.

Ghall-laqgha kienu prezenti wkoll il-Kelliem Ewlieni Laburista ghall-Edukazzjoni, Kultura u Zghazagh Carmelo Abela u l-Kelliema Laburista ghaz-Zghazagh, Kultura u Sport Dr Justyne Caruana.