Telqa li tinhass f'Ghawdex certament mhijiex biss effett tas-shana. Huwa fatt li jekk thares dawra madwarek tinnota hafna nuqqasijiet. Izda t-tragedija hija li ghalkemm kulhadd jaf b'dawn in-nuqqasjiet hadd mhux qed imidd idejh biex jaghmel xi haga.

IL-pitkalija u l-bdiewa
Il-pitkalija f'Ghawdex per ezempju hija afflitta minn hafna nuqqasijiet fosthom anke ta' sigurta`. Ta' min jghid li fil-pitkalija ta' Ghawdex per ezempju hemm il-fences imkissra, il-hitan huma baxxi u lanqas hemm dwal. Nuqqas iehor li johloq inkonvenjent ghall-bdiewa jirrigwardja l-hwienet fil-pitkalija. Minn erba` hwienet jinfethu tnejn biss ghax it-tnejn l-ohra ilhom ma jinfehtu madwar sentejn. Allura l-bdiewa kollha ta' Ghawdex li juzaw il-pitkalija ta' Ghawdex iridu jinqdew minn dawn it-tnejn biss bil-konsegwenza li qed jinholqu hafna inkonvenjenti minhabba d-dewmien u anke ta' spazju ghaliex mhux qed ikollhom bizzejjed wisa` fejn ihottu. Fattur iehor huwa li l-bdiewa jkollhom bil-fors imorru ghand dawn bil-konsegwenza li qed tigi eliminata l-kompetizzjoni anke fil-prezzijiet.

Saru wkoll diversi lmenti dwar l-igjene fil-pitkalija stess u fl-inhawi ta' madwar fejn hemm il-biccerija u l-magna tal-halib. F'dawn il-postijiet l-igene suppost hija ta' massima mportanza izda mid-dehra lanqas kenniesa ma qed jintbaghtu hemmhekk. Huwa fatt li hemm presenza qawwija ta' grieden. Ovvjament il-kumulu ta' haxix hazin ikompli jaggrava s-sitwazzjoni. Apparti r-riskju ta' mard li jgibu l-grieden, hemm ukoll id-dannu lill-bdiewa fuq il-prodott taghhom li jkun hemmhekk ghaliex jekk il-prodott ikollu xi gidma ta' gurdien dan jitnaqqas mill-ammont li jkollu ghall-bejgh.

Minbarra dawn l-inkonventi ta' min isemmi wkoll li l-pitkalija ta' koperativa f'Ghawdex tiehu lill-bidwi kummissjoni ta' 7% fuq l-ammont ta' bejgh li huwa jkollu. Ta' min jghid li l-persentagg normalment ffissat huwa dak ta' 6.25% allura jirrizulta li l-pitkalija tal-koperativa t'Ghawdex qed tiehu 0.75% iktar minn haddiehor.

Meta mbaghad nigu ghad-diffikultajiet li l-bdiewa Ghawdxin ghandhom dwar is-shubija ta' Malta fl-Unjoni Ewropeja, il-Koperativa tal-bdiewa f'Ghawdex stiednet diversi kelliema. Irrizulta li l-informazzjoni li nghatat ma kienetx adegwata u kienet tikkoncerna biss dwar xi beneficcji li l-bdiewa jistghu jiehdu in konsegwenza tas-shubija. Pero` meta kien hemm xi domandi dwar l-isvantaggi dawn baqghu bla risposta. Fil-fatt waqt laqgha minnhom kienet saret domandi specifika minn membru tal-koperativa ndirizzata lill-Ministru ta' Biedja u Sajd li pero` baqghet minghajr risposta. Allura wiehed jibda` jistaqsi lilu nnifsu kemm verament hija adegwata l-informazzjoni li qed tinghata lill-bdiewa taghna dwar il-gejjieni taghhom - iktar u iktar meta r-regolament ta' l-Unjoni Ewropeja f'dan il-qasam huma tant stretti. Partit Laburista fil-Gvern jemmen li dan is-settur ghandu potenzjal li jrid jigi zviluppat sabiex pajjizna jimxi l-quddiem. Fil-fatt f'dokument li l-istess Partit qed ihejji dwar Ghawdex ser tinghata prominenza lill-agrikultura f'Ghawdex kif ukoll gew anke mahsuba incentivi u proposti godda sabiex il-bidwi Ghawdxi ikun verament il-biedja f'Ghawdex tkun tista` tavanza a beneficcju tal-gzira Ghawdxija kollha.

Il-pompa tad-drenagg f'San Blas
Fir-rahal tan-Nadur tinsab il-bajja tant pittoreska ta' San Blas. F'dawn l-inhawi ser jinbdew xi xogholijiet biex issir pompa tad-drenagg li ser tkun biss mitt pied il-boghod mill-bini bil-konsegwenza li jekk din il-pompa ssir hemm ser tikkawza nkonvenjenti kbar lil min joqghod hemm. Fost dawn l-inkonvenjenti hemm l-istorbju li din taghmel hi u tahdem u ntiena. Ta' min isemmi wkoll li hemm riskju kbir li minhabba t-thezziz li gej mill-barriera li hemm fil-vicin tista` tinqasam il-fossa u tinfetta l-ilma gieri a detriment tal-bdiewa ta' dik in-naha. Dan ovvjament jista` jikkawza anke dannu lis-sahha tar-residenti ta' dik il-lokalita`. Ta' min jghid li din il-pompa tista` facilment titqieghed iktar l-isfel u b'hekk ma tkunx daqshekk qrib tal-bini jew altrimenti tista` titkabbar il-pompa ezistenti li hemm fil-wied.

Il-Gozo Channel
Min jaf kemm il-darba tasal l-Imgarr jew ic-Cirkewwa u l-bieba tal-vapur tehel. Ghalkemm ghandna l-vapuri l-godda wiehed jiskanta kif dan ghadu jigri bil-konsegwenzi li mbaghad il-vetturi jkollhom johorgu b'lura u minflok nofs siegha ddum id-doppju. Ta' min jghid ukoll li l-sliding doors jehlu wkoll u min ikun irid johrog ikun irid imur n-naha l-ohra tal-vapur. Dawn huma nuqqasijiet li trid tinghatalhom attenzjoni pero` huwa fatt ukoll li biex taghmel dan l-Gozo Channel ghandha spiza. Biss biss a rigward tar-rampi hemm ghidut li l-ispejjez jammontaw ghall-madwar sebghin elf lira Maltin (Lm70,000) pero` hadd ghadu ma pronunzja ruhu fuq din ic-cifra u issa huwa l-hin propizju sabiex dan isir.

Ghawdex mhuwiex qed jinghata l-attenzjoni li jisthoqlu. Ghalhekk Partit Laburista fil-Gvern jimpenja ruhu sabiex minn issa jniedi l-politika ghal Ghawdex sabiex jigu ndirizzati l-problemi specifici taghna l-Ghawdxin biex ikunu nistghu noffru Ghawdex ahjar lill-uliedna.