Partit Laburista fil-Gvern kien hadem bis-shih biex jippromwovi l-Kunsill Regjonali sabiex l-interessi ta' l-Ghawdxin kollha f'kull qasam u twemmin ikunu rappresentati. Il-kuncett ta' politika regjonali qed jerga` jissemma` din id-darba mill-Gvern fil-kuntest tas-shubija shiha ta' pajjizna fl-Unjoni Ewropeja izda b'konnotazzjonijiet ferm differenti minn tal-Partit taghna - ahna rridu li Ghawdex immexxuh rajna f'idejna u mhux jitmexxa ghalina fl-interess tal-barrani.

Mhux minnu li mhux ser jigu barranin jahdmu hawn. Infatti f'Ghawdex stess diga` hawn hafna barranin jahdmu. Dan gara in konsegwenza ta' koncessjoni li nghatat lill-barranin li jizzewgu cittadin Malti li jkunu jistghu jahdmu hawn - ahseb u ara meta l-fruntieri jitnehhew u l-Ewropej jakkwistaw id-dritt li jigu jahdmu f'pajjizna. Hafna minn dawn il-barranin li hawn Ghawdex jahdmu fis-settur tat-turizmu bhala gwidi, couriers ecc. li jaqghu taht il-kappa tas-self employed. Persentagg kbir ta' Ghawdxin jadhmu f'dan is-settur izda x-xoghol taghhom qed jittiehed minn dawn il-barranin li n-nazzjonalita` taghhom tvarja minn Germanizi, Olandizi, Russi, Danizi u ohrajn.

Li hu nkwetanti huwa l-fatt li dawn il-barranin meta qed japplikaw ghax-xoghol qed jigu preferuti mill-Ghawdxin minkejja l-fatt li jkun hemm min hu kwalifikat u prezentabbli hafna iktar minnhom. Dan apparti l-fatt li dawn la jafu l-lingwa taghna u lanqas ikunu midhla tal-post u tas-sistema.

Minn sondagg li sar recentement f'diversi pajjizi ewropej rrizulta car li Malta hija wahda mid-destinazzjonijiet favoriti ghax-xoghol - allura inutili jippruvaw ibellghu r-ross bil-labra ghaliex galadarba l-bibien jkunu miftuha ma jistax jigi xi hadd minn tal-Gvern u jghidilna li ma humiex gejjin hawn u l-istatistika msemmija wriet bic-car.

Ta' min jaccenna wkoll ghall-industriji tal-biedja u tas-sajd. A rigward ta' l-ewwel settur diga` nafu li mas-shubija ta' Malta fl-Unjoni Ewropeja, l-ewropej ikunu jistghu jigu hawn u jixtru l-art agrikola taghna mighajr ma jkunu residenti hawn. Fil-waqt li s-sajjieda taghna jkollhom ibaghtu minhabba l-influss ta' sajjieda barranin fl-ibhra taghna li jigu jistaghdu hawn kif diga` gara fil-kaz tat-tonn is-sena l-ohra. Il-bdiewa u s-sajjieda taghna mhu ser ikollhom ebda protezzjoni mill-awtoritajiet lokali ghaliex il-barranin imbaghad jigu hawn bid-dritt.

L-obbligu tal-Gvern huwa li jippromwovi u jipprotegi x-xoghol. Malta fl-Unjoni Ewropeja ser tkun theddida ghall-haddiema taghna fid-diversi setturi. Bizzejjed li f'Ghawdex l-opportunitajiet huma limitati u z-zaghzagh taghna jkollhom imorru Malta kuljum ghax-xoghol biex jahdmu u din is-sitwazzjoni tal-haddiema barranin li jigu u jiehdu xogholna ma ghandhiex tigi ttollerrata. Ghandu jsir studju serju ta' kif ghandu jigi ggenerat ix-xoghol f'Ghawdex ghall-Ghawdxin - Partit Laburista fil-Gvern diga` ghandu pjan ta' zvilupp ghall-Ghawdex. Din ghandha tkun il-politika regjonali li jigu identifikati l-problemi specifici ta' Ghawdex, jigu ndirizzati u konsegwentement tigi attwata s-soluzzjoni sabiex Ghawdex u l-Ghawdxin jimxu l-quddiem.